Ég stækkaði þessar myndir úr blöðunum sem ég ver að skanna.
Sjá hér http://ernagunnthors.blogcentral.is/myndasafn/283550/
Finnst þessar flottar, ég var alveg búin að gleyma þeim

Var að skanna inn þau blöð sem ég á frá þessum tíma. Ég er búin að glata mörgum
hérna eru þær:  http://ernagunnthors.blogcentral.is/myndasafn/283471/

                   Ég er ein af þeim sem þarf að passa hvað ég set ofaní mig, ef ég geri það ekki þá er ég fljót að fitna (eins og flest allir). Það sem virkar fyrir mig er að vera dugleg að hreyfa mig, halda hitaeiningafjölda fæðunnar innan þeirra marka sem hentar mér og borða alltaf á svipuðum tíma dags. Það virðist ekki skipta neinu máli fyrir mig hvort ég éti 500 kaloríur af súkkulaði eða brauði.

         Ég hef heyrt um margar aðferðir til að grennast og eflaust virka mismunandi aðferðir fyrir mismundandi fólk, við erum jú öll ólík. Það sem virkar fyrir mig þarf ekki að virka fyrir einhvern annan. Þegar ég hef farið út úr mínum ramma þá hef ég bætt á mig.

 

         Þegar ég varð ófrísk þá pældi ég ekkert í þessu ég fór úr því að vera 57 kg uppí 86 kg þegar ég átti eldri strákinn, það er mjög hressileg þyngdaraukning. Ég varð aftur ólétt af yngri stráknum mínum þegar sá eldri var fimm mánaða. Líkaminn minn náði ekki að jafna sig eftir fyrri fæðinguna

          

Þegar ég var búinn að eignast yngri gullmolann minn þá ákvað ég að taka mig á. Ég var búin að vera meira og minna ólétt í tvö ár og langaði svo að komast í fötin mín.

          Ég ákvað að taka myndir til að fylgjast með árangrinum. Hér eru myndir teknar í byrjun oktober ‘09

 

 

           Ég er rosalega hrifin af vatnsmelónum og fór að borða mikið af þeim. Ég fór að hlaupa úti í byrjum desember, oft snemma á morgnana og lét veður aldrei stoppa mig. Mér fannst þetta hrikalega erfitt, ég gat ekki hlaupið milli ljósastaura en ég gafst ekki upp (í dag hleyp ég allavega 7 km þegar ég fer út að hlaupa)

 

            Það var engin töfralausn bak við það að ég næði mínu markmiði. Bara mikil vinna. Fyrstu þrjá mánuðina gerðist voðalega lítið og ég held að fólk gefist upp rétt áður en þetta fer að virka. Þegar erfiðið fer loksins að skila sér er svo gaman! Það er ekkert jafn gefandi eins og að ná einhverju settu marki

 

Þessar myndir eru teknar í byrjun apríl. Fimm mánuðum eftir þær fyrri
. 
 

             Ég er ekkert að halda því fram að ég sé fullkomin eða með einhvern fitness líkama, langt því frá. Ég er bara fín J

 

Eitt að lokum. Ég var í ræktinni um daginn og var að horfa á sjónvarpið og heyrði tvær konur vera að spjalla saman, báðar ansi vel yfir kjörþyngd, samtalið var einhvernvegin svona

Kona 1 : Ég skil bara ekki af hverju það gerist ekkert hjá mér. Ég er svo dugleg að hreyfa mig ég hjóla í vinnuna frá árbæ á hverjum degi

Kona 2 : Mikið ertu dugleg hvar vinnur þú í dag?

Kona 1 : Grensásvegi

Kona 2 : Hjólarðu líka heim

Kona 1 : Nei ég tek strætó heim

 

Þetta fannst mér alveg drepfyndið og gott dæmi um sjálfsblekkingu. Hún semsagt rennir sér  semsagt niður Elliðaárdalinn og hjólar 500 metra að Grensás... tekur svo strætó heim J

:
Þetta er ein mín uppáhalds

          Ég fór að setja model myndirnar mínar inn á Facebook um daginn. Ég fékk á tilfinninguna þegar ég var að hlaða sumum þeirra inn að þetta gætu verið myndir sem væru of ögrandi fyrir suma. Ég nefndi það meira að segja í viðtali í DV um daginn að ég væri að gera eigin heimasíðu í hraði,  vegna þess að ég vissi til þess að myndum væri hent útaf facebook, þó að þær væru ekki nektarmyndir.

           Ég hafði þó til hliðsjónar prófila hjá öðrum stelpum og sá ekki betur en að þær voru með svipaðar myndir og ég. Þá er ég ekkert endilega að tala um fyrirsætur heldur bara “skinkaðar” myndir sem leynast hjá stelpum almennt.

           Ég hlóð inn nokkrum myndum frá Benedikt Ægissyni. Þær voru ef til vill alveg á mörkunum. Viku eftir að ég setti þær inn voru þær horfnar og ég fékk viðvörun sem innihélt meðal annars þetta: Facebooks terms of use "Photos are removed if they contain nudity, drug use or other obscene content 
Eins og sjá má eru þetta ekki nektarmyndir

Umræddar myndir




Ég var ekkert að hneykslast á þessu. Ég gat alveg skilið að þessar hérna fyrir ofan væru "of"
             Daginn eftir fóru að hverfa myndir úr möppunni “þegar ég var Erna G” og ég ætlaði ekki að trúa því þegar ég sá að þessar myndir (ásamt öðrum) voru horfnar





            Ég vildi fá útskýringu og fékk hana : A photo that you uploaded has been removed for violating Facebook's Terms of Use. Photos containing drug use, nudity, or other graphic or sexually suggestive content are not allowed, nor are photos that depict violence or that attack an individual or group

 

        Gróf ágiskun, myndirnar sem voru fjarlægðar eru semsagt sexually suggestive. Ég er ósammála en hvað um það

         Ég kann að velja mér baráttur og ég veit að ég mun tapa þessari. Það að myndir séu fjarlægðar af facebook er háð því hvort maður sé að fara í taugarnar á einhverjum. Það eru aðrar stelpu með miklu djarfari myndir en ég (þar á meðal fyrirsætur) þær munu fá að hafa þær í guðs lifandi friði þar til einhver ákveður að reporta þær.  Það fer svo eftir þeim sem situr við tölvuna hjá facebook guðunum að meta hvort þær séu ósæmilegar eða ekki. Þegar siða hefur verið reportuð nógu oft hlýtur að fara sjálvirkt kerfi í gang sem fjarlægir myndir af síðunum. Mér finnst þetta kerfi alveg meingallað. Eftirfarandi mynd var horfin hjá mér



Það er ekkert gróft við þessa mynd.....


      Í kjölfarið má benda á tvennt annað. Facebook bannar myndir af brjóstagjöfum þó að höfuð barnsins hylji brjóstið alveg. Þeim prófíl hefur verið eytt án nokkra viðvaranna....Nice!!
        Ef þú heldur út minningarsíðu fyrir barnið þitt sem þú misstir í fæðingu þá er henni líka lokað... (ef hún er tilkynnt) ef þú sýnir mynd af barninu dánu eða með slöngur út úr sér. Mér finnst þetta svo kjánalegt! Má fólk ekki syrgja litla barnið sitt?

        Niðurstaðan er sú að ég er núna með hrátt facebook. Ég þorði ekki öðru en að fjarlægja allar model myndir svo síðunni minni verði ekki lokað.....15 ára systir mín er með meira krassandi facebook en ég

 

Ég ætla að skella inn bæði nýjum og gömlum myndum núna á næstu dögum

Ég hef þurft að taka á mörgum hlutum í mínu fari í gengum tíðina sem ég hef talið vera mér ekki til framdráttar, einn af þessum löstum er baktal.
Það þarf varla að taka það fram en það hefur gengið misvel. Til dæmis get ég illa hamið mig þegar ég sé mariah Carey í sjónvarpinu, hún fer svo í taugarnar á mér að ég gæti étið hattinn minn (ef ég ætti einhvern)
Ástæðan fyrir því að ég fór upphaflega að pæla í þessu er sú að ég var stödd í partýi fyrir nokkrum árum og heyrði stúlku vera að hrauna yfir ákveðið íslenskt módel. Ég sá hvað þetta var rosalega hallærislegt. Þessi stúlka hafði ekki efni á neinum þessum háðsglósum, langt því frá. Hlutirnir sem hún var að dæma módelið útfrá voru annars vegar sögusagnir og hins vegar útlitið hennar. Það var afar súrt að hlusta á svoleiðis komandi frá manneskju sem veitti ekki af því að skella sér á hlaupabretti og fá sér gulrót.
Það sem er nú ennþá misheppnaðra en baktal er þegar fólk er með leiðindarathugasemdir á commenta kerfum og getur síðan ekki staðið við athugasemdirnar sínar þegar á reynir.
Núna í vikunni birtist á DV síðunni að ég væri byrjuð að sitja fyrir aftur, allt í lagi með það. Ég bjóst alveg við einhverjum leiðinda athugasemdum. Það er bara eðlilegur fylgifiskur þess að vera í fjölmiðlum en þessi maður var svo einstaklega glataður að ég fann mig knúna til að svara þessu á commenta kerfi dv.is.

Hér er hægt að lesa hvernig þessi ágæti maður skaut sig í fótinn og borðaði hann svo af 


Gunnar Friðrik May 22
Erna er engin Coco - hey hún er ekki einu sinni Ásdís Rán - hún er meira svona hmmm eins og ein af ástkonum Jesse James

Erna GunnþórsdóttirMay 22
þakka guði fyrir það að vera hvorug þeirra gunnar minn

Perla KristinsMay 24
hahaha Coco! er það viðmiðið í dag á fallegum konum! Þá heimurinn versnandi fer :/
Sammála Krisínu, gullfalleg og hörkudugleg

Gunnar FriðrikMay 25
Nei Coco er þekkt glamúrfyrirsæta og Ásdís Rán er líka glamúrfyrisæta. Var þessi ekki þannig á sínum tíma - allavega voru þetta ekki tískumyndir.

Erna GunnþórsdóttirMay 25
Þetta er bara ekki sambærilegt. Coco er óhugraleg í mínum augum, hún er/var falleg en í dag er hún afmynduð af siliconi, guð minn góður að sjá rassinn á manneskjunni.
Ég myndi aldrei vilja vera svoleiðis. Það er ekkert samasem merki milli þess að vera eins og hún er og vera glamour fyrirsæta. Ég er heldur ekkert að reyna að vera Ásdis.
Þér má alveg finnast ég vera eins og ástkona jesse james, eða finnast ég vera ljót, I really don't care. Þú mátt samt alveg vita það að ég er búin að vinna vel úr mínu lífi á síðustu árum, burt séð frá því hvað ég var. Er ekki dáldið fáránlegt að segja um tveggja barna móður sem er búin að vera að mennta sig og sigrast á ýmsu í lífinu að hún sé eins og ástkona Jesse James

Gunnar FriðrikMay 25
Þetta var nú ekki til að móðga neinn - myndirnar sjálfar og þemað í þeim og hvernig þær eru stíliseraðar - það er bara það sem maður er að segja - og ég meina Coco er fyndin týpa - þess vegna fíla ég hana.

Erna GunnþórsdóttirMay 25
Það sem þú skrifaðir var mógðandi, það er ekkert hægt að deila um það. Þetta eru ummæli sem fólki myndi almennt finnast særandi. Þetta með að þú hafir verið að gagnrýna myndirnar er ekki í samræmi við ritaðan raunverulekan sem sést hérna fyrir neðan. Þú sagðir niðrandi orð um MIG ekki myndatökuna.
En eins og ég sagði þú hefur fullan rétt á þínum skoðunum

Það er ágætt að þér finnist Coco fyndin, hún er það sjálfsagt. Mér finnst ekki fyndið að það þykii kynþokkafullt að afskræma á sér líkaman á þennan hátt. Mér finnst heldur ekki fyndið að ungar stelpur horfi á svona konur og haldi að kvenmannslíkaminn eigi að vera svona.

Mér finnst þessi ágæti maður algerlega hafa jarðað sig þarna. Þetta er svo langt frá því að vera það versta sem ég hef heyrt um mig eða það ljótasta sem sagt hefur verið við mig. Stundum fékk ég e-mail þegar ég var að sitja fyrir 2003-2005 sem voru svo ljót og meiðandi að það nær engri átt og fólk ætti hreinlega að skammast sín. Ég skil það alveg að ég hafi farið í taugarnar á einhverjum, reyndar skil ég það mjög vel. Hversvegna leiddi fólk mig þá bara ekki hjá sér? Það er það sem ég hugsa þegar ég sé fólk gera eitthvað sem mér finnst kjánalegt.
En jæja ég ætla að halda áfram að verða betri manneskja með degi hverjum og einbeita mér að því á segja ekki leiðinlega hluti um fólk.

Eigandi þessa nýja bloggs hefur ekki gefið út fyrstu bloggfærsluna sína. Viðkomandi er án efa í óða önn að velja sér flott útlit, aukahluti, hlaða upp myndum og semja meistaraverk til að færa á spjöld sögunnar. Við bjóðum viðkomandi að sjálfsögðu velkominn á BlogCentral!